Studentët nuk janë të kënaqur me pak. Pavarësisht tërheqjes së Ministrisë së Arsimit dhe Sportit, duke hequr pikën 4 në VKM-në e kundërshtuar ashpër nga studentët që tarifonte çdo kredit të provimeve të bartura, ata kërkojnë plotësimin edhe të tre kërkesave të tjera.
Në Tiranë por edhe në qytete të tjera universitare studentët protestojnë përpara Ministrisë së Arsimit, me kërkesat e qarta për përgjysmimin e tarifave të studimit dhe përmirësimit të kushteve të konvikteve, sikurse edhe përfaqësimin në Bordin e Administrimit.
Disa nga drejtuesit e protestës, e cila si rrallë herë është tërësisht jashtë ndikimit nga politika, kanë thënë se të rinj të lidhur me Partinë Socialiste kanë pasur si qëllim këtë të premte t’i përçante.
Shfaq Komentet (0)